హీరోలు తమ అభిమానులకు అప్పుడప్పుడు సాయం చేసినట్లుగా వార్తల్లో చూస్తూ ఉంటాం. కాని హీరోయిన్స్ గురించి ఆ వార్తలు చాలా తక్కువగా వింటూ ఉంటాం. హీరోయిన్స్ కు కూడా అభిమానులు ఉంటారు. వారికి కష్టాలు ఉంటాయి. కాని వాటి గురించి హీరోయిన్స్ పట్టించుకోరు అనేది ఒకప్పటి మాట. కాని కాజల్‌ అగర్వాల్‌ ఆ మాటను మార్చేసింది. తన అభిమాని కష్టాల్లో ఉంటే సాయం అందించేందుకు ముందుకు వచ్చింది. చదువుకుంటున్న అభిమానికి అవసరం అయిన లక్ష రూపాయలను కాజల్‌ పంపించింది.
సుమ అనే ఎంఫార్మసీ స్టూడెంట్‌ ఉద్యోగం చేస్తూ చదువుకుంటూ ఉంది. హైదరాబాద్‌ లో సుమ చేస్తున్న కంపెనీ ఆమెను ఉద్యోగం నుండి తొలగించింది. దాంతో సుమ కు ఇబ్బందులు మొదలయ్యాయి. కాలేజ్ ఫీజ్‌ చెల్లించాల్సి వచ్చింది. అదే సమయంలో పరీక్ష పీజు చెల్లించాలంటూ నోటిఫికేషన్‌ వచ్చిందని సోషల్‌ మీడియాలో దాతల కోసం విజ్ఞప్తి చేసింది. దాంతో వెంటనే కాజల్‌ స్పందించింది. సుమ చాలా కాలంగా కాజల్‌ ను అభిమానిస్తూ ఉంటుంది. సోషల్‌ మీడియాలో కాజల్‌ పేరుతో అకౌంట్‌ ను కూడా రన్‌ చేస్తుంది. తన అభిమానికి సాయం కావాల్సి రావడంతో కాజల్‌ స్పందించి లక్ష రూపాయల సాయంను చేసింది. కాజల్‌ మంచి మనసుకు అందరు ఫిదా అవుతున్నారు.
Recent Random Post:
