టాప్ స్టార్స్ కొరియోగ్రాఫర్లలో జానీ మాస్టర్ ఒకరు. టాలీవుడ్ అగ్ర హీరోల చిత్రాలకు డాన్స్ కంపోజ్ చేస్తుంటారు. రామ్ చరణ్..ఎన్టీఆర్..బన్నీ.. మహేష్ ఇలా ఇప్పటివరకూ అగ్ర హీరోలందరికీ చిత్రాలకు కొరియోగ్రఫర్ గా పనిచేసారు. ఆ స్టార్లతో జానీమాస్టర్ సాన్నిహిత్యం ప్రత్యేకమైనది. ముఖ్యంగా రామ్ చరణ్- జానీ మాస్టర్ ని ఓ ప్రెండ్ లా ట్రీట్ చేస్తారు. జానీ మాస్టర్ ని కష్ట కాలంలో ఆదుకున్న హీరోగా చరణ్ కి పేరుంది. ఈ విషయాన్ని జానీ మాస్టర్ స్వయంగా ఓ ఇంటర్వ్యూలో వెల్లడించారు.
ఇక అతని ప్రతిభను మెచ్చి పలువురు స్టార్ హీరోలు బహుమతులు అందించిన సందర్భాలున్నాయి. తాజాగా ఇప్పుడా జాబితాలో కిచ్చా సుదీప్ కూడా చేరారు. జానీ మాస్టర్ కి సుదీప్ ఖరీదైన మహీంద్ర థార్ కారుని బహుమతిగా అందించారు. ఈ కార్ కాస్ట్ 15 లక్షలు దాకా ఉంటుంది. దానికి సంబంధించిన ఫోటో ఒకటి నెట్టింట వైరల్ గా మారింది.
సుదీప్-జానీ మాస్టర్..థార్ కారు ముందు దిగిన ఫోటో నెట్టింట వైరల్ అవుతుంది. సుదీప్ నటించిన `విక్రాంత్ రోణా` చిత్రం త్వరలో విడుదల కానుంది. ఈ సినిమాలో సుదీప్-జాక్వెలిన్ పెర్నాండేజ్ నటించిన ఓ పాటకి జానీ మాస్టర్ కొరియోగ్రఫీ చేసారు.
జానీ మాస్టర్ కోలీవుడ్ లో కూడా ఫేమస్ కంపోజర్ గా పేరుగాంచారు. అక్కడి స్టార్ హీరోల చిత్రాలకు పనిచేసారు. ఇటీవలే విజయ్ కథానాయకుడిగా నటిస్తోన్న `బీస్ట్` చిత్రంలో `అరబిక్ కుతు` పాటకు డాన్స్ కంపోజ్ చేసారు.
కోరియోగ్రాఫర్లకి..డైరెక్టర్లకి హీరోలు..నిర్మాతలు బహుమతులివ్వడం కొత్తేంకాదు. ట్యాలెంట్ ని ఎంకరేజ్ చేస్తూ అప్పుడప్పడు ఇలా బహుమానాలు అందిస్తుంటారు. ఈ కల్చర్ ఎక్కువగా టాలీవుడ్ లో కొనసాగుతుంది. ముఖ్యంగా హీరోలు విషయం ఉన్న నవతరం దర్శకుల్ని ప్రోత్సహిస్తూ ఇలాంటి బహుమతులతో లాక్ చేస్తుంటారు. సందర్భం వచ్చినప్పుడు అవకాశాలు కల్పిస్తుంటారు.
Recent Random Post:
