బర్త్‌డే స్పెషల్‌‌: స్టైలిష్ స్టార్‌.. ఐకానిక్‌ స్టార్‌.. డాన్సింగ్‌ స్టార్‌.. పైనల్‌ గా పాన్ ఇండియా స్టార్‌

మెగా ఫ్యామిలీ నుండి గంగోత్రి సినిమాతో హీరోగా పరిచయం అయిన అల్లు అర్జున్‌ ను చూసి బాబోయ్‌ ఇలా ఉన్నాడేంటి అంటూ అంతా నోరు వెళ్లబెట్టారు. ఆ సినిమాలో రాఘవేంద్ర రావు హీరోగా బన్నీని చూపించిన తీరు అప్పుడు ప్రేక్షకులకు నచ్చలేదు. సినిమా సూపర్‌ హిట్‌ అయినా బన్నీ హీరోగా పనికి రాకపోవచ్చు అనే అనుమానాలు చాలా మంది వ్యక్తం చేశారు. అలాంటి బన్నీ ఇప్పుడు స్టైలిష్‌ స్టార్‌.. ఐకానిక్‌ స్టార్‌.. డాన్సింగ్‌ స్టార్‌ గా గుర్తింపు దక్కించుకుని కేవలం తెలుగులోనే కాకుండా యావత్‌ దేశ వ్యాప్తంగా అభిమానులను దక్కించుకుని పాన్‌ ఇండియా స్టార్‌ గా పేరు దక్కించుకున్నాడు. బన్నీ చేస్తున్న ప్రతి సినిమా కూడా ఆయన స్టార్‌ డం ను పెంచుతూనే ఉంది.

తెలుగులో ఆర్య నుండి మొదలైన అల్లు అర్జున్‌ విజయ ప్రస్థానం ఎక్కడ నుండి ఎక్కడి వరకు వెళ్లిందో ప్రత్యేకంగా చెప్పనక్కర్లేదు. ఆయన అద్బుతమైన పాత్రలు సినిమాలు చేయడంతో పాటు ప్రతి ఒక్క సినిమాలో కూడా విభిన్నమైన స్టైల్‌ ను మెయింటెన్‌ చేస్తూ స్టైలిష్‌ స్టార్‌ ఐకాన్‌ ను దక్కించుకున్నాడు. ఇప్పుడు పుష్ప సినిమాలో డీ గ్లామర్‌ రోల్‌ చేస్తూ ఐకానిక్‌ స్టార్‌ గా పేరు దక్కించుకున్నాడు. ఇక బన్నీ అనగానే చాలా మంది డాన్స్ గురించి మాట్లాడుతారు. వెండి తెరపై మొదటగా అల్లు అర్జున్‌ కనిపించింది డాన్సర్‌ గానే అనే విషయం తెల్సిందే. చిరంజీవి డాడీ సినిమాలో అల్లు అర్జున్ డాన్సర్‌ గా కనిపించాడు. డాన్స్ పై ఉన్న ఆసక్తితో బన్నీ వేసిన స్టెప్పులు ఆయన్ను డాన్సింగ్‌ స్టార్ గా నిలబెట్టింది అనడంలో సందేహం లేదు.

టాలీవుడ్‌ లో టాప్‌ స్టార్‌ హీరోల్లో అల్లు అర్జున్‌ నిలిచాడు. గత ఏడాది వచ్చిన అల వైకుంఠపురంలో సినిమాతో బన్నీ ఇండస్ట్రీ హిట్‌ ను దక్కించుకున్నాడు. ఇక ప్రస్తుతం సుకుమార్‌ దర్శకత్వంలో పుష్ప సినిమా ను చేస్తున్నాడు. ఈ సినిమా కూడా ఖచ్చితంగా ఇండస్ట్రీ హిట్‌ ఖాయం అంటూ ఆయన లుక్‌ మరియు టీజర్‌ చూస్తుంటే అనిపిస్తుంది. అల్లు అర్జున్‌ తదుపరి సినిమాలు కూడా భారీ ఎత్తున ఉండబోతున్నాయి. పుష్ప పూర్తి అయిన వెంటనే సక్సెస్‌ ఫుల్‌ డైరెక్టర్‌ కొరటాల శివ దర్శకత్వంలో సినిమా చేయబోతున్నాడు. ఆ తర్వాత ప్రశాంత్‌ నీల్‌ దర్శకత్వంలో ఒక భారీ యాక్షన్‌ సినిమాను ప్లాన్‌ చేస్తున్నారు. మరో వైపు దిల్‌ రాజు బ్యానర్‌ లో ఐకాన్‌ సినిమా చర్చల దశలో ఉంది. ఇలా స్టైలిష్ స్టార్‌ కమ్‌ ఐకానిక్‌ స్టార్‌ బిజీ స్టార్‌ గా కొనసాగుతున్నారు. నేడు అల్లు అర్జున్‌ బర్త్‌ డే సందర్బంగా ఆయనకు అభిమానుల తరపున.. మా తరపున హృదయ పూర్వక పుట్టిన రోజు శుభాకాంక్షలు తెలియజేస్తున్నాం. హ్యాపీ బర్త్‌ డే న్యూ ఐకానిక్‌ స్టార్‌.