వాల్తేర్ వీరయ్య సినిమాతో బ్లాక్ బస్టర్ హిట్ కొట్టిన మెగాస్టార్ చిరంజీవి తన నెక్స్ట్ సినిమా షూటింగ్ కి రెడీ అయిపోయాడు. మెహర్ రమేష్ దర్శకత్వంలో భోళా శంకర్ అనే సినిమాని మెగాస్టార్ చిరంజీవి చేస్తున్న సంగతి తెలిసిందే. ఈ మూవీని ఎప్పుడో ఎనౌన్స్ చేసేశారు. అయితే వాల్తేర్ వీరయ్య సినిమా తర్వాత స్టార్ట్ చేయాలని చిరంజీవి ఈ ప్రాజెక్ట్ ని వెనక్కి నెట్టారు. దీనికి కారణం భోళా శంకర్ మూవీ తమిళ్ హిట్ మూవీ వేదాలం రీమేక్ గా తెరకెక్కుతుంది.
2015లో అజిత్ హీరోగా ఈ సినిమా రిలీజ్ అయ్యి హిట్ అయ్యింది. అయితే ఆ సినిమాలో మెయిన్ ఎలిమెంట్ ని తీసుకొని మెగాస్టార్ ఇమేజ్ కి సరిపోయే విధంగా కథ కథనంలో మార్పులు చేసి మెహర్ రమేష్ సరికొత్తగా స్క్రిప్ట్ ని సిద్ధం చేశారు. ఈ నేపధ్యంలో చిరంజీవి ఇంప్రెస్ అయ్యి సినిమాని సెట్స్ పైకి తీసుకెళ్లడానికి రెడీ అయ్యారు.
ఇక ఈ మూవీని ఏకే ఎంటర్టైన్మెంట్స్ బ్యానర్ పై రామ్ ఆచంట నిర్మిస్తున్నారు. ఇదిలా ఉంటే ఈ మూవీ షూటింగ్ ని అఫీషియల్ గా హైదరాబాద్ లో స్టార్ట్ చేశారు. ఫస్ట్ షెడ్యుల్ కోసం ప్రత్యేకంగా కలకత్తా కాళీ టెంపుల్ సెట్ వేశారు.
ఇక ఈ సెట్ లో షూటింగ్ ప్రారంభించారు. ఇక ఈ షూటింగ్ లో మెగాస్టార్ చిరంజీవి కూడా పాల్గొన్నాడు. దానికి సంబందించిన వీడియోని చిత్ర యూనిట్ రిలీజ్ చేసింది. షూటింగ్ లొకేషన్ లో మెగాస్టార్ కేక్ కట్ చేసి దర్శకుడు మెహర్ నిర్మాత రామ్ ఆచంట కీర్తి సురేష్ కి తినిపించారు.
ఈ మూవీలో కీర్తి సురేష్ మెగాస్టార్ కి చెల్లెలుగా నటిస్తున్న సంగతి తెలిసిందే. ఈ నేపధ్యంలో మొదటి రోజు చిరంజీవి కీర్తి కాంబినేషన్ లో సన్నివేశాలు చిత్రీకరించినట్లు తెలుస్తుంది. ఈ మూవీలో చిరంజీవికి జోడీగా తమన్నా నటిస్తుంది.
మణిశర్మ తనయుడు మహతి స్వరసాగర్ ఈ మూవీకి మ్యూజిక్ అందిస్తున్నారు. మరి వాల్తేర్ వీరయ్య సినిమాతో భోళా శంకర్ మూవీపై కూడా మంచి హైప్ క్రియేట్ అవుతుంది. ఆ హైప్ ని మెహర్ రమేష్ ఏ మేరకు అందుకుంటాడు అనేది చూడాలి.
Recent Random Post:
